[A:631]tog gi char dang 'ja' 'od kyi gur sogs phyogs der 'dus pa mtha' dag ngo mtshar dang dad pa'i spu long g.yo bar gyur/ sku gdung rin po cher dar zab kyi na bza' dang dri bzang gi phye ma'i sri zhu/ nyes pa'i skyon sel ba'i slad du tsha sogs kyi zhabs tog dang bcas rin po che'i sgrom bur bcug ste nyin re bzhin mchod pa sna tshogs pa'i bkur sti chad pa med pa'i ngos lo bco lnga song ba lcags mo sbrul gyi lo sde pa rin chen dpal bzang ba mched sogs dad pa dang gtong ba phun sum tshogs pa'i sbyin pa'i bdag po chen pos gser gdung thog tshad phyed gnyis tsam la sde pa rin chen dpal bzang mchad kyi g.yu pad/ yum a mdzes rgyal mo'i g.yu krel rna brgyangs kyis gtsos g.yu mu tig byu ru spos shel sogs kyi phra rgyan phyug pa dang bcas bzhengs pa'i thog ma'i gegs sel nas gzungs bzhugs rab gnas kyi bar thugs sras dam pa mtshungs med sngags 'chang chen pos mdzad pa ni rnam thar las/ de nas rje btsun rdo rje 'chang blo gsal rgya mtsho'i ring bsrel phung po gser gdung rin po che'i zhal bkod bdag la bar chad zhi phyir srung 'khor dang lhag par rgyu dang zangs bzo ba rnams la bgegs skrod dang bskyed chog byed dgos tshul gsungs bla ma drag por langs nas byas pas bar chad mtshan mas glags blta bar ga la nus/ rgyang grags tshun la bkra shis mnga' gsol ma grub par du nyes pa'i go skabs bral yang bla ma dam pa'i thugs rje las gnad du mi 'gro ba byung dogs med/ 'on kyang srung 'khor ched bstad nan bskyed de bsgoms pa dang nyin mtshan dal med drag sngags rgyun chad med par bzlas/ zla ba drug gi khongs su yongs su rdzogs te rin po che'i gdung nyid mchod rten