[A:633]dkar me sdong rkang bco brgyad re'i rgyun btsugs pa deng sang yang nag me la brten pa'i phyogs 'dra tsam re yod snang / sngags 'chang rin po ches nga'i bur 'di gdong dga' ba mi rtsa ma chad bar de phyogs la kha thod la zhog ces zhal chems ltar gdung rten dus bzhugs pa lcags stag lo dus babs kyis zhugs 'bul dgos pa 'gyangs pas me rang 'bar lta bu'i rkyen gyis gtsug lag khang la me gshor byung du rje 'di nyid kyi gdung yang mes bzhes mod de yan chod phyogs de'i skye rgu mtha' dag gis shi gson gyi dge ba'i phud gser gdung la 'bul zhing / 'dar ba'i bya ba gang gi tshe'ang zan ril bsgril pa la yid gtod par snang / ma 'gyangs par 'di gnas gser sga dngul sga cha 'grig legs pa re dang gos yug lnga rta sogs kyi yon sbyar zhing gtso bor gdan sa nas 'jam mgon sa skya pa chen pos thugs khur bzhes te dngul gdung thog tshad ma phra rgyan dang bcas grub pa'i nang du bdag chen rin po ches gdul tsha phyag dar ba mang du 'jug pa gnang bas byin rlabs kyi rgyun ma nyams par yod/ gzhan yang thub bstan dge 'phel dang grang mo che gnyis kar zla ba byung ngo cog gi tshes bco lnga la gzhi rten sbyar ba'i mang ja/ zla ba bdun pa'i dus chen thog tshes bcu gsum nas zhag bzhi'i bar kye rdor sgrub mchod/ de zhor du grang mo cher tshes bcu bzhi nas zhag gsum gyi bar dmar chen gtor bzlog gnod sbyin yab yum/ pu tra ming sring / beg rtse lcam dral/ sgo ma bzhi/ bran bdud/ nor bdag yab yum rnams kyi 'chams sogs rgyas par tshugs pa deng sang gi bar du ma nub par gnas/ gzhan yang sde pa gnas gsar pa/ khri khang pa/ o gzhi ba sogs sbyin