[A:630]'phos pa bzhin thugs la mi bzod pa'i tshor ba drag po byung na tha mal pa dag lta ci smos pas phyogs de'i skye bo rnams cho nge 'don pa dang brgyal ba sogs nyam thag pa'i rnam 'gyur sna tshogs pa ston zhing / 'dar ba bsod nams lhun grub lo ngo bzhi tsam lon pa zhig kyang stod la 'tshangs pa byung ba na'ang rgyal ba nyi ma'i gnyen chos kyi dbyings su gzugs sku'i bkod pa bsdus kyang 'od srung chen po sogs bstan pa'i gtad rabs rim byon ltar/ rje bla ma dam pa la re bltos 'cha' ba'i gdul bya rnams rjes su 'dzin par zhal skyin lta bu'i zhal slob kyi 'dren mchog 'di lta bu yod do zhes dbugs dbyung ba la ched du bsngags pa ltar rim gyis phyogs nas 'dus shing sku gdung za ma tog tu ma bzhugs pa'i gong du tshogs pa rnams la pur mjal gyi dus sku gdung yid bzhin gyi nor bur shing las thang chu bzhin sku rdul zhu ba shel dkar gyi 'khri shing lta bu gsal la 'tsher ba kun gyi mthun snang du grub pa'i dge mtshan mtha' klas pa byung / zhal slob 'gangs che ba rnams dang / chos sde khag /bstan pa'i sbyin bdag gnas gsar pa dang 'dar ba sogs kyis thog drangs mdor na skya ser drag gzhan mtha' dag gis snyan dar mchod pa sna lnga sogs che 'byor chung 'byor dang / 'dar stod rnam rgyal stag rtse nas sde pa yum sras kyis 'gan blangs/ bla brang gnyer tshang / bo dong phun tshogs rab brtan sogs nas dge 'dun mang por bsnyen bkur te kye rdor gtso bor gyur pa'i dkyil 'khor du ma zhal 'byed kyi chog gra'i tshe rdo rje slob dpon rigs kun khyab bdag chen po'i skur bzhengs pa la phyi nang gsang ba de kho na nyid kyi mchod pa'i tshogs gsog rgya cher bsgrubs skabs nyin zhag mang por me