[A:629]'don lung bstan gnang ba sogs mang / rje bod mkhar ba'i rnam thar du/ rmi lam la tshar chen rdo rje 'chang chen po de nyid na bza' sogs shin tu bzang ba sku la 'od 'phro ba dang bcas phyogs shig la thegs song ba dang rje'i drung la ltos pa rnams ngas rjes su 'dzin no gsungs spyan cer ba zhig gzigs pa rmis/ de nas ring por ma lon par pha bla ma rdo rje 'chang chen po de nyid dgongs pa chos kyi dbyings su thim zer ba'i skad ca byung ba yug cig 'di bya dang 'di byed med pa'i ngang la 'di rmi lam yin las che bsam pa dang / de las sad de kye ma kye hud shin tu 'jigs su rung ba'i 'khor ba'i rgya mtsho las sgrol bar byed pa'i ded dpon chen po lan cig rnyed pa de nyid/ rmi lam sgyu ma bzhin du yal nas thal da mgon med pa'i bdag sogs 'gro ba rnams ji ltar byed bsams pa dang / mig mchi mas gang sems la bzod glags med pa'i sdug bsngal dpag tu med pa byung / slar bsam blo la sngon yang dag par rdzogs pa'i sangs rgyas nas bzung bla ma gong ma tshang mas mya ngan las 'das pa'i tshul bstan khong rnams bde ba nas bde ba'i zhing du gshegs pas kham che/ snyan brgyud kyi gdams pa rnams ni thob rang re chos gsha' ma zhig byed dgos/ da dung gnas gsar nas rje drung rin po che lta bu yang bzhugs bsams pa dang 'jig rten phyogs nas nged rang tsho'i byung tshul kyang dran sngon nas bsams pa'i gnas de lta bu zhig tu thugs dam byed pa las gzhan thabs med bsam pa shar zhes byung ba/ rang sems bla ma'i ngo bor thag chod pa'i skyes bu de 'dra la'ang / de bzhin gshegs pa'i sngon rol tu mchog zung nyid zhing khams