[A:628]sngar 'bab pa lhan cig byung / bsams tsa na nga rang skal ba bzang snyam pa'i blo bde phugs su chud ltos bcas kun kyang lugs gnyis bya ba phra rags gang la'ang gegs kyi mtshan ma mi 'byung ba zhig lags zhes dang / de nyid las/ 'dar du skye bdun ril sgrub skabs zhag lnga song ba'i snga thun gyi bar la gnyid kyi rnam pa thung tsam byung ba'i rmi lam na rje btsun sprul sku chen po padma rgyal po'i sku nyid myug rgyal khang du skyes bdun sgrub pa'i skabs kyi sku'i mdangs ji lta ba dang g.yas na 'khrul zhig chos skyong bsod nams yin zer ba'i sku gzi brjid che ba zhig dang / g.yon na tshar chen yab sras dang bcas dgyes pa'i zhal 'dzum gyi mdangs gsal le ba byas pa zhig rmis pa/ gnyid dngas pa na e ma ho nga yang bsod nams che/ de lta bu'i slu med kyi bla ma rnams dang mjal snyam pa dang / da snying po bdag dang bdag la ltos pa thams cad ayon bla ma'i drung du skye nges kyi smon pa yid ches nges shig btab/ ces dang / rdo rje 'chang dbang phyug rab brtan dpal sphug tu bzhugs skabs dag snang du gsung ngag gnang ba'i thugs nyams shar/ yar klungs bkra shis rtse chos sder lam 'bras 'dzugs pa mdzad skabs 'od gsal du yang yang zhal gzigs/ 'dar rnam rgyal stag rtser mnal lam du rje bla ma'i zhabs gnyis dbu gtsug tu bzhag phyag gnyis kyis zhal 'gram skyor nas byin rlabs gnang dus ayon dngos yin dgongs pa'i tshe de'i skur gyur/ rnam pa de ltar shar yang ngo bo pha bla mar thag chod pa'i mos gus kyi ngang nas mnal sad tshe dbu gtsug tu zhabs drod kyis tsha chil li ba byung bas mtshon te dngos slob yang slob mang por zhal ston chos gsung byin rlabs gegs sel bogs