[A:617]grangs kyi mtha' ni brjod pa'i yul lta ga la zhig /'on te che long rags rim tsam brjod na/ rang bstan kha'u brag rdzong pa'i lugs srol 'dzin nges kyi skyes bu ni/ mkhyen brtse nus gsum thams cad la 'jam dpal rdo rje mi'i zlos gar can sras kyi thu bo zha lu mkhan chen thams cad mkhyen pa mkhyen brtse'i dbang phyug /mkhas shing grub pa'i dbang phyug chen po spyan snga rje btsun bod mkhar ba mai tri byams pa don grub rgyal mtshan/ nyams dang rtogs pas bdag rgyud yongs su grol bas thugs rjes gzhan rjes su 'dzin pa la 'gran pa'i zla dang bral ba rtse tshogs mkhan chen gzhon nu blo gros/ rgyan drug mchog gnyis kyi gzhung lugs la mi 'jigs pa'i spobs pa rnam par dge ba ngam ring mkhan chen byams pa blo gros rnam rgyal/ dbyangs can lha mos rjes su bzung bas gnas lnga rig pa smra ba la gzhan dring mi 'jog pa'i mkhyen rab kyi mkhas pa kun gyi gtsug gi nor bur gyur pa mnyan yod bya gshong mkhan chen mang thos klu sgrub rgya mtsho/ lung dang rtogs pa'i yon tan gyi nor bus thugs rgyud yongs su gtams shing snyan brgyud tshad ma bzhi ldan gyi bstan pa'i srog shing bo dong mkhan chen bslab gsum rgyal mtshan/ mthu stobs nus pa rwa lo gnyis pa lta bu sngags 'chang yongs kyi 'khor los sgyur ba chos 'khor yang rtse'i mkhan chen bsod nams chos 'phel/ zab don snyan brgyud bdud rtsis thugs kyi bum bzang yongs su gtams shing mkhan chen thams cad mkhyen pa'i dngos kyi gdan sa pa chos dbang rin chen dpal gyi rgya mtsho/ kun mkhyen bsod nams seng ge'i chos kyi khri la mngon par mdzegs pa mkhan byams pa rab brtan/ zab