[A:618]don chos kyi mnga' bdag smyug la mkhan po bsod nams dbang po/ mdo rgyud rgya mtsho'i gzhung la blo gros kyi snang ba gcig tu dkar ba skyed tshal mkhan po rab brtan dpal 'bar/ mang thos mkhyen pa'i spyan ldan mkha' ri mkhan po blo gros chos 'phags/ rab 'byams rgyud sde rgya mtshor mkhyen pa'i spyan yangs pa 'jam dbyangs byang gling rje bkra shis rgyal mtshan/ 'khrul zhig bla ma'i rigs sras zab don rtogs pa'i nyi ma rje gzhon nu stobs ldan/ dpal rdo rje 'jigs byed kyi bsnyen sgrub mthar phyin pa mchod dpon drung kun dga' legs pa/ bla ma'i zhabs tog lhur blangs pas byin rlabs thugs la zhugs shing snyan brgyud zab mo'i mdzod 'dzin pa ma chen rdo rje bkra shis/ nges don zab mos rtogs pa'i klong rdol ba 'phags mchog byams pa bskal bzang / bdag chen rdo rje 'chang yab sras kyi bstan pa'i shing rta chen po dbon rin po che khyab bdag dbang phyug rab brtan/ mnyan mgon gdams pa'i srog shing mkhyen rab kyi dbang phyug drung yig byams pa don grub/ mdo khams gdung ba'i mun sel chos gling drung pa/ mi phyed dad pa'i dbang phyug rje mgon po 'od zer/ thos bsam sgom la gzhol ba rje mgon po rdo rje/ spar phu'i gdan sa pu tra ming sring bran du 'khol ba'i brag chos pa sogs dang / ris med pa'i bstan par phyogs bcur spel ba/ rgya hor bod kyi skye rgu mtha' dag gi gtsug tor rtse mor zhabs zung 'khor lo'i ri mo 'god pa thams cad mkhyen pa bsod nams rgya mtsho dpal bzang po/ karma pa'i bstan 'dzin chen po rgyal tshab rin po che grags pa don grub/ mchog gi sprul sku mnga' ris gter chen nyi zla 'od zer/ byang pa rigs ldan