[A:616]'jam rdor yang sku tshe ring po ma byung bas brgyab pa 'dra/ gter chen chos kyi rgyal po ratna gling pa'i lung bstan chen mor/ sa yi phyogs su bla mas slob ma bslu: zhes dang / byang chub gling pa dpal rgyan gyi thugs gter 'khor 'das rang grol gyi zhus lan gsal ba'i sgron me las/ mnga' ris gdug pa'i dmag 'go g.yo: 'khon rigs kun zhes bya bas 'khrugaH khol bur sdug bsngal cung zad bskyed: ces sogs dogs pa'i gnas mang tsam yod kyang gnas lugs shes na zog po'i mtshang gi dpe ltar spros par dgongs pa chung zh-ing gang shar thams cad lha dang lha mo'i rnam par 'char ba'i dag snang gi bden kha phul nas rtsod pa chos thog tu zhi bar byed do/ /de yang tshoms las/ thub rnams sdig pa chu yis mi bkru zhing / /'gro ba'i sdug bsngal phyag gis mi sel la/ /nyid kyi rtogs pa gzhan la spo min te/ /chos nyid bden pa bstan pas grol bar 'gyur/ /zhes 'o skol gyi ston pa bu ram shing pas kyang chos kyi 'khor lo rim pa gsum du bskor nas 'gro ba rnams phan bde'i lam la 'god par mdzad pa bzhin/ dam pa 'di nyid kyis mdo sngags kyi chos tshul gdul bya so so'i blo dang 'tsham par bstan pas mchog rnams kyis ni bstan pa phyogs bzhir skyong ba'i dar chen btsugs/ la la dag klog pa thos bsam gyi sgo nas 'chad nyan/ 'ga' zhig spong ba bsam gtan gyi rim pa lhur len pa'i bshad sgrub kyi chu rgyun rje bla ma'i 'phrin las ma dros mtsho las phyogs brgyar 'bab/ sa skyong ba'i bstan pa'i sbyin bdag sogs skye rgu grangs yas pa dkon mchog gsum la bla mar 'dzin cing 'di phyi'i legs tshogs sgrub pa la sbyar ba'i