[A:596]lung bstan du dgongs nas mkhan po'i zhal bzhes mdzad pa'i mtshan lam du/ rdo ring rin po che sku mdangs dang na bza' legs shing shin tu dgyes pa'i rnam 'gyur ston pa zhig byung / de nas srin po zhes pa shing yos sos kyi dga' ston la babs pa 'phrod sbyor dge ba'i dus skya rags kyis chibs bsu dang 'dus tshogs rnams kyis 'phan gdugs rol mo sogs mchod pa'i yo byad thogs pa'i ser sbreng / mchod gar gyis sna drangs pas mdun bsus dpal zha lu gser bkang gi chos gra chen po snyigs dus kyi rgyal ba gnyis pa bu ston rin po che'i seng ge'i khrir phebs/ de'i tshe nam mkha' g.ya' dag pa la me tog gi char 'dab ma lnga pas mtshon lha rnams kyis mchod pa'i ched du phab cing / gan spos kyi dri 'dra rung ba la zhib tu brtags na sngar tshor ma myong ba'i dri bsung gis khyab pa sogs ngo mtshar ba'i ltas phun sum tshogs pa byung / sngon mthu chen gangs pa shAka 'bum gyi slob ma sngags rnying ma bka' gter thams cad la mkhas shing grub pa brnyes pa'i g.yung ston rdo rje dpal zhes gos dkar lcang lo'i 'phreng ba 'dzin pa'i sngags 'chang chen po des phung po ri bo che nas gtum mo dug hrul ma'am/ gsar ma ba rnams tsa munTi 'bod pa'i zhal brnyan ma he'i gdong can zhig gter nas bzhes pa dang cha 'dra ba'i yab kyi zhal 'bag cig kyang bzos pa'i rwa nang du thams can mkhyen pa bu ston chos rjes gsol zan gyi lhag la gshin rje pho brgyad mo brgyad kyi gzugs brnyan phyag bzo mdzad pa bcug pas byin rlabs shin tu che bar byung ba/ yos lo zla ba bcu gnyis pa'i dmar cha la bstan 'gro'i phan bde spel ba dang