[A:595] de mtshungs rje nyid kyis rgyal yum tshul khrims bzang mo mjal bar phebs dus khyed la 'di mkho ba'i dus shig 'ong cis kyang gsan mdzod ces lha mo rdo rje rab brtan ma'i rjes gnang lung rnams rdzogs par stsal ba'i bla ma gnyis kyi lung bstan dus babs dang / bu ston rin po che slar yang rang bstan la bsams bzhin skye ba bzhes pa'i smon lam gyi mthu brtas te zha lu'i chen slob thams cad mgrin gcig dbyangs gcig pa'i tshul gyis mkhan po'i gsol 'debs la yong ba'i sngon du nub cig mnal du song tshul bstan pa'i srod 'khor la bud med smug nag 'jigs su rung ba mche ba gtsigs shing ral pa dmar ser rting par sleb pa zhig byung nas khyed kyis zha lu'i gdan sa mdzad dgos zer ba zhig byung ba dpal ldan ma'i cho 'phrul du 'dug ces zhabs 'bring pa 'dra la gsungs/ tho rengs thog kha nas rje nyid kyis zhal shar du gzigs te dung dkar po zhig bus pa skad shin tu che ba byung / sang nyin phyag phyi rnams la de ring su byung yang gtam kha ma len so ma sod pa las med phebs par cung zad song ba na khang rnying slob dpon rnam sras/ rin spungs byams pa ba sogs zha lu'i mkhan por phebs dgos pa'i snyan gsan 'bul mi rnams slebs/ rgyu mtshan gsol bar zhal gyis ma bzhes pa'i de nub mnal lam du kun spangs rje bzhugs gdan dma' ba la na bza' hrul zhing zhal mdangs ngan pa zhig byas bzhugs nas khyed la zha lu'i gdan sa'i snyan gsan byung ngam gsung bar byung yang khas ma blangs gsol bar skyag re la a ngas na ning nas khyed la byas pa min pa e yin gsung ba