[A:597]bsam sbyor ngan pa 'chang ba'i gzugs can gzugs med rnams tshar gcod pa'i ched du ma he mchod pa'i srol btsugs/ thog mar dam bzhag gnang mkhan chos rje thams cad mkhyen pa/ zhal brnyan bzhes pa po sngags 'chang g.yung gis mdzad de 'phrin las rnam bzhi thogs med du sgrub pa'i dbu gtsugs/ /de nas mkhan thog mang po'i bar lo skor rer 'cham pa'i srol rgyun nyams med du byung na'ang bar skabs su 'tshub kyi rnam pas shangs mtshal shor ba phyag zhabs rengs pa re gnyis byung bar brten la las dmod nas 'thor ba tsam las bka' bsgo ma mdzad pas nub par nye ba'i lo skor gcig gnyis ma he 'cham gra'ang chag pas 'cham dgos pa'i ltas sna tshogs byung ba nas spyir rje 'di nyid mkhas grub kyi snyan pa che bar ma zad bye brag mthu stobs kyi grags pa phyogs kun tu khyab pa'i mthun snang grub gshis de dus bu lugs kyi chos rgyun sgrub mchod sogs bstan pa nyams che ba gso ba dang lhag par ma he'i bka' bsgo mdzad du re ba'i sngar gyi rgyun rnams dang bcas bstan pa spyi bye brag gi 'phel rgyas dang skye rgu'i bde thabs la dgongs te/ chos rje thams cad mkhyen pa'i gsang ba'i chos skyong las kyi gshin rje'i bka' bsgo ba gnang dgos zhes zhus pa bzhin zhal gyis 'ches/ dbus gtsang gi sde brgyad gnas sa gnyen po mtha' dag tu dus tshes 'di la shog cig pa'i brda 'grems su rlung sems la nang byan chud pa'i rtogs ldan skad gtong rdzong bda' mdzad/ dam pa 'di nyid las shugs dbang thang rim gro sogs la re ba dang / 'phral du zla sbrel gyi bsnyen pa tsam