[A:594]rtser bkod dga' ston la rol kyang / /thun mong rjes 'brangs lha min dogs bral ba/ /skal ldan shing rta gnyis pa sa 'dir snang / /khrag 'thung gar la bzhengs pa'i zhal sen rdul/ /ma mgon mkha' 'gro'i thor tshugs rtser 'dzegs nas/ /bka' rtags ri mo sde brgyad gtsug 'char ba/ /rgyal phran 'khor sgyur lung gi rjes 'gro bzhin/ /'chi med tshe byin brlabs pa gzhom bral skus/ /gsang bdag rig pa 'dzin pa nam mkha'i mtshan/ /mkha' la mkha' yi sbyor ba ji bzhin du/ /lag na rdo rje'i 'khor lor smin cing grol/ /gsol 'debs las/ 'dren pa mchog gis sngon nas lung bstan cing / /chos skyong lha mos gus pas spyan drangs te/ /dpal ldan zha lu'i chos kyi gdan khri la/ /zhabs pad mdzes par bkod la gsol ba 'debs/ /dpal phug rnam par grol ba'i pho brang du/ /slob bshad zab mo'i chos kyi 'khor lo bskor/ /mkhas grub slob mas sa gsum kun khyab ste/ /bstan pa nyin mor mdzad la gsol ba 'debs/ /zhes sngar mkhyen rab rin po ches rje btsun rdo ring pa chen por zha lu'i gdan sa mdzad pa 'char shas kha bas nged kyi tsha bo 'di la'ang mgo 'don legs po mdzod gsung par bdag de 'dra mi byed zhus pas khyed mi mdzad na nyid kyi grwa pa zhig la nges par 'ong gsungs par brten/ rdo ring rin po ches sngar gyi lo rgyus dang bcas brag dkar sems dpa' chen por khyod mkhan po mdzad dgos pa yong shas che gsungs pa'i lan du bdag gis yong yang mi yong byed kyang mi byed zhus pas des na chos rje tshar pas mdzad 'gro nyen che gsungs pa dang /