[A:586]zla ba'i zer gyis rnam par phye ste mi 'phrogs pa'i dad pa mchog gi kunda yongs su bzhad pa la brten lcags mo phag gi lo dpyid kyi dpal mo'i dga' ston dar ba'i tshe gsang chen slob bshad kyi sngags gra 'dar stod chos 'khor yang rtser mkhan rin po che 'jam pa'i dbyangs blo gros rnam rgyal/ thugs kyi sras gnas lnga rig pa'i paNDi ta chen po klu sgrub rgya mtsho/ rje rab brtan pa sogs skal ldan gyi gdul bya kha shas la tshe gcig la 'dus pa rnam gsum gyi 'phrang brgal te bcu gsum rdo rje 'dzin pa'i sa chen por bgrod pa'i nges lam zab mo snyan brgyud tshad ma bzhi dang 'brel ba'i gsung ngag rin po che slob bshad kyi dbang byin rlabs 'khrid lung man ngag mtha' dag rdzogs par gnang / gsung rgyun nyams pa med pa'i lam 'bras kyi 'khrid yig chen mo'ang zin bris mdzad nas spyan lam du phab pas nga'i gsung ngag slob bshad kyi bka' khyed la babs slob ma'i tshil bu lta bu yin zhes dgyes rtser son/ zhal slob kyi nang nas kun mkhyen mkhyen brtse gong du phud pa'i rje btsun bod mkhar ba/ mkhan chen gzhon nu blo gros/ rje 'di gsum 'gran gyi zla med du mngon zhing / khyad par kun mkhyen klu sgrub pa'i gsung las skyes pa'i bshes gnyen paN chen ngag dbang chos grags/ /'jam dbyangs dga' ba'i bshes gnyen sogs mkhas grub mang du byon zhing / mkhan ngag dbang chos grags nas rtse gdong khri chen kun dga' bsod nams lhun grub/ sa skya khri rin po che/ rgyal rtse bdag po byams pa ngag dbang bsod nams rgyal mtshan khu dbon/ bya gshong mkhan chen mang thos grags