[A:585]'degs par brdzu/ /rab dkar chos 'khor gangs ri'i yang rtse nas/ /tshad ma bzhi ldan 'jigs med seng ge'i glus/ /shes rlom ri dgas spyod med thun mong gi /gdams pa'i rtswa chur mgo bo bstad de nyol/ /'khor los sgyur ba'i rigs brgyud lha yi sras/ /stong phrag byung la mang por 'dzin blo chungs/ /mkhas dang grub pa'i slob bu gser ri'i sbubs/ /shar ba'i grangs med zla ba 'di la ltos/ /legs ldan dpa' bo lha min dpung tshogs las/ /rnam par rgyal ba'i gad brgyangs sgrog pa'i gnas/ /ha har bzhad pa'i dur khrod rgyu ba'i stag /mche ba'i rtse mor dgra bo'i don snying 'khrig /gsol 'debs las/ bstan srung mchog rnams las la bskul ba'i tshe/ /ru mtshon rtse la gri gug 'bar ba gzigs/ /bka' yi springs yig bi hAr gtsug gis mchod/ /dam can bran du 'khol la gsol ba 'debs/ /mu stegs 'dul bar rje btsun bkas bskul zhing / /rnal 'byor dbang mos spyan 'dren tshul bstan kyang / /bstan la rjes dgongs sku tshe'i 'du byed mchog /slar yang byin gyis brlabs la gsol ba 'debs/ /dad ldan bka' 'bangs mchog gi skye ba gang / /lcang lo can nas yongs pa'i gnod sbyin gyis/ /dri med nor bu'i 'od zer 'phreng mdzes pa/ /drin bsab mchod pa phul la gsol ba 'debs/ /zhes par tshig gis zin mi zin sna tshogs pa'i lo 'di nang du dbyangs can lha mos rjes su bzung ba'i rje klu sgrub rgya mtsho zhes shes bya thams cad la mkhyen pa'i spyan yangs pa de nyid zhabs kyi padma la gtsug gi nor bus reg par byon te sku gsung thugs kyi yon tan