[A:575]kho bo tsam/ /zhes pa'i don thog tu babs shing rin cen gser gyi maNDal sogs rin po che'i rigs dang ja gos dar go khrab kyis gtsos pa'i bdog pa gya nom pa/ mkha' 'gro lnga mnyes par byed pa'i tshogs kyi 'khor lo rgya chen pos snyan brgyud dang po'i rten 'brel kun nas sgrig par mdzad pa sogs kyang / bsam 'phel nor 'phreng las/ phyi nang gsang ba'i man ngag zhu ba'i tshe/ /tshogs dang gtor mas mkha' 'gro mnyes par byas/ /rin cen gser gyi maNDal lan gsum phul/ /gsang chen grub mtha' 'dzin pa'i dam bca' byas/ /zhes pas mtshon nus/ dkar chags dbang sdud padma rA ga'i za ma tog las/ bstan pa'i bdag po sa skya pa'i/ /gsang las yang gsang gser gyi chos/ /dmar po skor gsum zhes grags pa/ /zhes rje btsun sa skya par gdams pa rgya mtsho lta bur bzhugs pa'i nang nas thun mong bsgrubs pas mchog zhar la 'byung ba dmar po skor gsum yang / ji skad du/ kho bos dam pa'i zhabs pad ring du ba~Xsten/ /snyan brgyud bdud rtsi'i zhal 'ong snying la shar/ /'khrul med gdams pa'i gnad la nges pa thob/ /grogs dag 'di 'dra'i skal bzang kho bo tsam/ /zhes rdo rje 'chang 'di nyid la mnga' ba'i rje btsun rig byed ma/ tshogs bdag bgegs kyi rgyal po/ khro bo 'dod pa'i rgyal po gsum gyi thun mong dang thun mong ma yin pa'i rjes gnang lung man ngag phyag len/ zhar byung dmar chung skor gsum dang bcas pa gnang /