[A:573]sa brag sgo'i thad du star sdong dbon po dang phrad tshe rbud shar re 'gro yang chos rje'i drung las dga' ldan thams cad mthun grub pa 'dug gsungs pas mtshon thams cad mkhyen pa mkhyen brtse'i 'og nas rdo rje 'chang tshar pa chos rje'i zhal slob kyi dang mar mngon/ 'jam dbyangs mkhyen brtse'i zhabs kyis bka' chos gnang dgos tshul gyi zhu yig phul bar/ sa dbus gtsang khams gsum gyi sman ljongs na/ zhes sogs kyi lan dang bcas zhal gyis 'ches pa bzhin zla ba bcu gnyis pa'i tshes bzhi la bla ma dam pa rdo rje 'chang bo dong du phebs/ thams cad mkhyen pa mkhyen brtse'i dbang phyug dpon slob nyung bsdus la zab chos ji ltar stsal na/ khyab bdag gur gyi mgon po'i chos skor ni/ /'phags pa'i yul du paN grub rnams kyis phye/ /rgyud rgyal ma dros chu gter las byung ba'i/ /bka' babs rnam bzhi'i gdams pa'i chu rgyun ni/ /lo tsA rnam bzhi'i gsung gi 'bab stegs las/ /legs 'ongs sa skya'i bla chen thugs mtshor 'khyil/ /gang de'i gsung gi bdud rtsi'i gzegs ma ni/ /phyogs brgyar 'phros pas kha ba'i sman ljongs 'dir/ /zab don lbu 'phreng bye bas phyug pa yi/ /rjes 'brangs chu klung rnam bzhi ring du 'bab/ /ces pa ltar bka' babs bzhi ldan du bzhugs pa'i rdo rje nag po chen po gtso rkyang / lha bcu gsum ma/ lha brgyad/ lha bcu gnyis ma/ las mkhan rnams kyi rjes gnang / dkyil 'khor dang 'brel ba'i dbang / brag rdzong dang gsang 'khrid dang thun mong min pa'i nyams 'khrid/ me