[A:572]kun dga' don grub/ rab 'byams chos rje chos sku rdo rje sogs gsung las skyes pa'i dam pa du mas kha'u pa'i ring lugs rgya cher spel/ thams cad mkhyen pa bsod nams rgya mtshor gser chos bcu gsum dang mgon po che chung gi chos skor rnams 'bul ba gnang / chos 'khor rgyal lhun grub dga' ba'i tshal gyi bsil ba tshal du mgon po che chung gi sku dang / chos 'byung shod du gnod sbyin beg tse rnams bzheng ba'i zhal bkod snyan brgyud dang 'brel ba'i gzungs bzhugs rab gnas sogs gnang / mnga' ris drung pa rin po che lha'i btsun pa bsod nams dpal bzang / dga' ldan shar chen nam mkha' rgyal mtshan/ sgrom mda' mkhan chen sogs mnyam med ri bo dga' ldan pa'i bstan 'dzin mang por chos kyi bka' drin stsal/ sa skyong dga' ldan pa a khu bkra shis zhes ngag gi dbang phyug dbyangs can bsnyems pa'i sder grags pa khu dbon gyi bla mchod du gyur pas mtshon dbu ru stod kyi rgyal khams su kha'u brag rdzong pa'i bstan pa'i sgron me ches cher sbar/ lha sa brag sgor star sdong chos mdzad kyis bdag po kun rin pa'i sku la gri ltag phul ba sogs 'o brgyal byung bar brten 'phan yul mkhar rtser bdag chen mjal bar phebs dus/ rnam thar las spyir sangs rgyas kyi bstan pa 'di mar 'grib la song ba dang khyad par du sa skya pa'i bstan pa 'di da lta gang na'ang dar rgyas che rgyu rang mi 'dug rung chos rje'i drung gis dbus phyogs 'dir bstan pa la phan zhing sa skya pa'i rkang zin pa zhig byung 'dug /nged tsho sa skya pa'i zhal ngo chibs rags bsgrigs nas yong dus lha