[A:521]rlabs kyi gzi byin 'od du 'bar ba'i tshig sbyor ma nyams pa la bar skabs su gsol 'debs dang stong thun dgos nges 'dra sbyar ba ni 'di lta ste/ na maHsarba gu ru buddha bo dhi sa twe bhyaH phyi ltar na phyogs med kyi bande/ nang ltar na gsang chen gyi sngags 'chang / gsang ba ltar na rje btsun rdo rje 'chang chen po rdo ring kun spangs pa zhes yongs su grags pa de'i thugs gnyis su med pa'i ye shes dang / chos dbyings bde ba chen po'i ngang du ro gcig kyang / chos can gdangs 'gags med kyi rol rtsed tha dad du shar ba/ rje de nyid kyi zhabs kyi padma gtsug gis bsten cing / bka' drin chen pos 'tsho ba'i 'phrin las kyi 'khor los sgyur ba'i bka' 'bangs rig sngags 'chang ba'i bande blo gsal rgya mtsho grags pa rgyal mtshan dpal bzang po/ da lta ming yongs su grags pa tshar pa chos rje/ don la ci med kyi bhu su ku/ yul phyogs med du rgyu ba'i sprang po yin pa blo bde zhes bya ba des/ yul 'dar stod mang mkhar gyi pho brang du skye ba med pa la skye ba'i cho 'phrul bstan/ grum stod khu'u'i brag la sgom rgyu rdul tsam med pa la sgom pa'i ro myangs/ rgyal khams phyogs med kyi bzhi mdor rang don gyi dgos pa ci yang med bzhin du nyin mtshan yad yud du 'gro ba'i dgos don mang po spyod cing gnas pa las/ bye brag tu rang lo sum cu so brgyad yan la yul dbus kyi sman ljongs su lan gsum phyin pa'i dang po/ rje btsun 'jam pa'i dbyangs kyi rnam par sprul pa rje ngag dbang grags pa'i zhabs phyir 'brangs te phyin nas lo brgyad tsam bsdad/ bar pa la sa skya pa'i bstan pa'i