[A:522]sbyin bdag spa ra bas gsung ngag bla ma brgyud pa'i gser sku bzhengs pa'i rab gnas la phyin nas zla ba drug tsam bsdad de mgyogs bskor byas/ de dag gi lo rgyus rnams bshad na/ dga' ba la bsams na nam langs pa 'dra ba/ skyo ba la bsams na sa rub pa 'dra ba/ btang snyoms pa byang thang skya mo la gar byed pa 'dra ba ji snyed cig yod pa labs kyang sprang po'i glu la nyan mkhan med pas dgos pa chung bas rgyab tu skyur la zhog /lan gsum pa rang lo so brgyad pa'i dus su phyin nas lo gnyis tsam bsdad dus kyi 'phros gtam/ yas phyin gyi lam du ji ltar byung ba'i tshul gyi rtogs brjod lam glu dpyid kyi rgyal mo'i dga' ston/ ku mu da gsar pa kha bye ba 'dra ba 'di nyid smras pa la ched du dgos pa chen po mi 'dug ste/ gsang dgos pa'i mtshang kyang med pas/ snang ba gdong 'ded gzhir bzhag la/ da lam lab pa ngos 'di snang ba la shar byung bas gsan pa zhu zhig /de yang / de gong phyin dus gra rigs sbyin bdag so sor yong ba'i khas len kyang byas yod pa dang / rjes su rim par nan tan gyi 'bod mi 'phral du byung ba dang / 'dul bar 'os pa'i snod ldan gyi gdul bya 'ga' zhig kyang 'dul ba'i dus la bab 'dug cing / rang nyid kyang yul phyogs med kyi bdud rtsi bsten na nang du sems nyid la 'gyur ba chen po zhig 'ong shas che bas/ de snga phyin pa'i dus/ sbyin bdag gi rta drel gyis bskyel bsu byas pa'i tshe/ rta rdzi drel rdzi mi ngan bsam pa chung zhing ltogs 'dod che ba rnams kyi ngo mi zin bzhin du 'dzin dgos pa de zhe sun la skabs su mi bab pa zhig 'ong gin 'dug pa dang