[A:520]mig gsum me yis log 'dren 'dod lha'i lus/ /rab bsreg legs ldan mgrin sngon ral pa'i rtser/ /dbang chu'i brgyud pa chad med tshes zhag tu/ /'char ba'i zla zer phan bde'i kunda bzhad/ /lung rtogs rin cen mi 'dzad 'byung ba'i gter/ /zab rgya gnyis spangs zhabs kyi rnam par thar/ /rtsom par lha dang mkha' 'gros brda thabs kyis/ /bskul ba'i sgyu 'phrul ngo mtshar rmad po che/ /rjes 'brangs nyi zla'i 'od snang sgra skad kyis/ /ma phyes rtogs brjod ba ku la yi kha/ dad brtson mkhyen rab mdzes ma'i 'gram chang gis/ /phye tshe legs bshad ze'u 'bru g.yur du za/ /spyod pa'i rdo rje gzugs gzhan yongs bsgyur dang / /rnal 'byor dbang phyug bla gos mnabs pa gnyis/ /phan tshun dag pa 'byams klas snang ba yis/ /tha mal 'dzin pa'i kun rtog ming du zad/ /gsol 'debs las/ shar phyogs nor 'dzin lam la zhabs bkod tshe/ /rnam dkar thog ma'i rten 'brel mtha' dag 'grig /grub pa'i gnas mchog sag thang jo nang sogs/ /rim par zhabs kyis bcags la gsol ba 'debs/ /zhes sgyur byed ces pa sa mo phag gi lo dgung lo so brgyad kyi dus yul dbus sman ljongs dga' ba'i tshal gyi gzhi chen por zhabs zung 'khor los mtshan pa'i re khA bkod nas lo gnyis tsam gyi bar du bstan 'gro'i don rgya cher mdzad pa'i skor gyi mang mkhar nas chibs kha bskyod de 'bras yul skyed mos tshal du phebs pa'i bar rang gi rtogs brjod lam glu dpyid kyi rgyal mo'i dga' ston zhes tshig don phun sum tshogs shing byin