[A:409]ngan pa yin pas lam thong gsungs pas chu bo gyen du bzlog /wA ra NA sir dge 'dun rnams kyi grub thob tu shes te sngar rnga kha gnyis pa brdungs nas gnas dbyung gi bya ba byas pa la bzod par gsol/ wA ra NA si'i nags khrod du bzhugs pa rgyal po gho nanta tsakras pho brang du gdan drangs pa nang pa'i rnal 'byor par shes nas yan lag rnams lcags kyis bcings te chur bskyur ba sa 'og tu 'dzud pa sogs byas kyang gnod par ma nus pas rgyal po sogs yul 'khor ba thams cad rdo rje theg pa'i bstan par bkod/ lho phyogs su byon pa'i lam du gru gla la brten nas chu bo bzlog pa dang phyir 'bab pa'i rdzu 'phrul mdzad/ mnyan pa'ang slob dpon gyi rjes su 'brangs pas skal ldan cig car ba'i lam gyis bkri bar 'os pa'i DoM bhi he ru kar grags/ de nas chang 'tshong ma kA ma ru siddhi la chang nyo ba'i rin med par brten nyi ma bzung ba na rgyal pos gsol ba btab pa ltar btang bas zhag gsum gyi mtshan phyed tsam song bas rdo rje gdan pa'i bstod par/ chu bo chen po gyen du bzlog /chang la nyi ma gte mar bcug /birWa pa zhes bya ba yi/ /bla ma de la phyag 'tshal lo/ /zhes bsngags/ rim bzhin lho phyogs bhi me sa ra'i rgyal po nA tha pa tas rang gi mchod gnas ral pa can lnga brgya'i slob dpon du bskos/ ra dang ma he khri phrag bsad pa'i khrag mchod byed pa'i dbang phyug gi rten la slob dpon 'dis phyag mdzad pa na de phyed tsam gas pas rgyal po 'khor bcas skrag par gyur/ ral pa can gcig las sad nas rjes su 'brangs pa sangs rgyas kyi bstan pa la ma zhugs pa 'jug 'dod