[A:410]yod pa'i mtshan gzhi shar phyogs nag po par grags/ de nas taM bra pra ti ma'i rgyal po dzim gim zhes bya bas 'jon dmar las grub pa'i dbang phyug gi sku zhal gsum phyag drug pa khru brgyad cu yod pa zhabs rdos bsnun te gnas khang nas bskrad pa kha bub tu 'gyel bar mu stegs pa rnams kyis gsol ba btab pas 'bras chan tsam gyis mchod pa'i dam bca' 'dzin du bcug ste gyen du bslang ba sogs mu stegs grangs med btul/ lha mo tsaNDi ka'i rdo sku rang byon zhig gnas sar mi byung tshad rang byung gi tri shu las bsad pa'i ro la tshogs 'khor byed pa'i rnal 'byor ma rnams nang pa'i bstan pa la bkod/ de wI ko Ti'i ri sul gyi thugs rje chen po'i rdo sku'i drung du phebs pa'i tshe thugs rje chen pos khyod kyi nus pas ri rab brlag par nus kyang sems can gyi las zad pa med pas mu stegs rnams la gnod pa ma byed ces gsungs pa so ba nA tha btul nas bka' bzhin sgrub par dam bcas/ so ba nA tha'i mu stegs pa rnams btul nas nang pa'i sde btsugs/ slob dpon nag po pa shar phyogs kyi phyi pa'i rgyal po gdug pa can 'dul ba/ DA ma ru pa rjes su 'dzin pa/ ayon nas rdo rje'i tshig rkang gi rgyab brten du gyur pa'i lung skor sde lnga spyan 'dren pa'i don gsum la brdzangs/ slob dpon nyid thugs rje chen po'i bka' bzhin re zhig brtul zhugs kyi spyod pa'i 'phro bshol nas rdo skur thim mam zer/ la la sku dngos rdo'i rnam par song ba glengs/ de yang 'jam dpal rtsa rgyud las/ yi ge dha zhes sdom brtson nyid/ /lho yi phyogs su rnam par grags/ /pha rol rgol ba bzlog nas kyang / /de