[A:408]zhes grags te nA lenda'i mkhan por gyur/ nyin mo sde snod gsum la 'chad rtsod rtsom gsum dang mtshan mo bde mchog gi rnal 'byor lhur blangs nas dgung lo bdun cu tsam slebs kyang rtags bzang ba med pa'i khar mi sdug pa'i mtshan ma mang du byung ba slob dpon 'dis sbyor lam phal cher bgrod nas lte 'og gi kSha ma la sogs par rlung sems 'dus te mthong lam thob par nye ba bla ma'i gdams pa'i phu thag ma chod pa'i skyon yin pa ma mkhyen par kho bo gsang sngags dang las 'brel med pa 'dug dgongs 'phreng ba chab khang du bskyur te rgyu'i theg pa la gzhol bar brtson pa na tho rengs mnal lam du bdag med ma bud med tha mal pa'i gzugs kyis lung bstan pa ltar mdzad pas nyer gsum gyi srod la bdag med lha mo bco lnga'i dkyil 'khor du dngos su dbang thob ste mthong lam rnam par mi rtog pa'i ye shes rgyud la 'khrungs/ khams 'dus pa dang po gtum mo drod rtags kyi lam 'khrid pa'i dus zug rngu dang gcan gzan gdug pa can sogs shar/ khams 'dus pa bar ma thig le bde stong gi lam 'khrid pa'i dus me chu 'khrug pa/ khams 'dus pa tha ma skyon med gnyug ma ye shes kyi lam 'khrid pa'i dus bla ma yid dam gyi zhal ral ba sogs skyon du bzung ba nye lam rdo rje btsun mo'i gdams pas ting nge 'dzin du ngo shes nas nyams su bzhes pas zhag re la sa re thob nas zhag drug song ba na sa drug pa mngon du gyur/ lam gyi bogs 'byin sha chang bsten pa la ma dad pa bzlog pa dang bstan pa la mi gnod pa'i ched du rab byung gi rtags bor te ngan par zhal gyis bzhes nas wa ra NA sir byon pa chu bo ganggA'i 'gram du nga