[A:༤༠༩]ངན་པ་ཡིན་པས་ལམ་ཐོང་གསུངས་པས་ཆུ་བོ་གྱེན་དུ་བཟློག །ཝཱ་ར་ཎཱ་སིར་དགེ་འདུན་རྣམས་ཀྱི་གྲུབ་ཐོབ་ཏུ་ཤེས་ཏེ་སྔར་རྔ་ཁ་གཉིས་པ་བརྡུངས་ནས་གནས་དབྱུང་གི་བྱ་བ་བྱས་པ་ལ་བཟོད་པར་གསོལ། ཝཱ་ར་ཎཱ་སིའི་ནགས་ཁྲོད་དུ་བཞུགས་པ་རྒྱལ་པོ་གྷོ་ནནྟ་ཙཀྲས་ཕོ་བྲང་དུ་གདན་དྲངས་པ་ནང་པའི་རྣལ་འབྱོར་པར་ཤེས་ནས་ཡན་ལག་རྣམས་ལྕགས་ཀྱིས་བཅིངས་ཏེ་ཆུར་བསྐྱུར་བ་ས་འོག་ཏུ་འཛུད་པ་སོགས་བྱས་ཀྱང་གནོད་པར་མ་ནུས་པས་རྒྱལ་པོ་སོགས་ཡུལ་འཁོར་བ་ཐམས་ཅད་རྡོ་རྗེ་ཐེག་པའི་བསྟན་པར་བཀོད། ལྷོ་ཕྱོགས་སུ་བྱོན་པའི་ལམ་དུ་གྲུ་གླ་ལ་བརྟེན་ནས་ཆུ་བོ་བཟློག་པ་དང་ཕྱིར་འབབ་པའི་རྫུ་འཕྲུལ་མཛད། མཉན་པའང་སློབ་དཔོན་གྱི་རྗེས་སུ་འབྲངས་པས་སྐལ་ལྡན་ཅིག་ཅར་བའི་ལམ་གྱིས་བཀྲི་བར་འོས་པའི་ཌོཾ་བྷི་ཧེ་རུ་ཀར་གྲགས། དེ་ནས་ཆང་འཚོང་མ་ཀཱ་མ་རུ་སིདྡྷི་ལ་ཆང་ཉོ་བའི་རིན་མེད་པར་བརྟེན་ཉི་མ་བཟུང་བ་ན་རྒྱལ་པོས་གསོལ་བ་བཏབ་པ་ལྟར་བཏང་བས་ཞག་གསུམ་གྱི་མཚན་ཕྱེད་ཙམ་སོང་བས་རྡོ་རྗེ་གདན་པའི་བསྟོད་པར། ཆུ་བོ་ཆེན་པོ་གྱེན་དུ་བཟློག །ཆང་ལ་ཉི་མ་གཏེ་མར་བཅུག །བིརྺ་པ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །ཞེས་བསྔགས། རིམ་བཞིན་ལྷོ་ཕྱོགས་བྷི་མེ་ས་རའི་རྒྱལ་པོ་ནཱ་ཐ་པ་ཏས་རང་གི་མཆོད་གནས་རལ་པ་ཅན་ལྔ་བརྒྱའི་སློབ་དཔོན་དུ་བསྐོས། ར་དང་མ་ཧེ་ཁྲི་ཕྲག་བསད་པའི་ཁྲག་མཆོད་བྱེད་པའི་དབང་ཕྱུག་གི་རྟེན་ལ་སློབ་དཔོན་འདིས་ཕྱག་མཛད་པ་ན་དེ་ཕྱེད་ཙམ་གས་པས་རྒྱལ་པོ་འཁོར་བཅས་སྐྲག་པར་གྱུར། རལ་པ་ཅན་གཅིག་ལས་སད་ནས་རྗེས་སུ་འབྲངས་པ་སངས་རྒྱས་ཀྱི་བསྟན་པ་ལ་མ་ཞུགས་པ་འཇུག་འདོད་