[A:517]zla shel bzhu ba'i 'od/ /snyan tshigs bdud rtsis khengs pa'i zil dngar can/ /dkar gsal chu 'dzin bu mo bzhad ldan ma/ /zhu 'phrin dbyar skyes rdza rnga 'di skad zhu/ /a ho drin can bla ma'i thugs kyi sras/ /byang phyogs 'di na nag po spyod pa zhes/ /snyan pa'i grags dkar g.yo ba'i mkhas grub dbang / /dam tshig rdo rje'i mched de'i bka' yig gi /'tshams sprin blo mtshor shar bas snying myos kyang / /zla zhal mjal ba'i dga' ston ma thob pas/ /snying la khyod sku'i snang brnyan 'dri byed cing / /bsam gtan zol gyi bdag por ngal gso bgyi/ /nam zhig mkhas pa'i zla ris gzhon nu de/ /'dren byed ri bo'i spo la shar ba'i tshe/ /snying gi ku mud 'dzum dkar bzhad byed cing / /zab dbyangs bdud rtsi'i rgyun gyis sim par smon/ /skabs kyi zhu mchid snying por gsol na ge re lha khang du gnas dus/ stod lung nas bka'i glegs bu skyes bcas rje bla ma'i rnam thar rnams phyag rgyas mtshan pa phebs pas dngos su mjal ba lta bu'i spro dga'i bdud rtsi gsar pas yid kyi chu gter ci yang gang bar gyur lags/ phebs don gyi cha la bsams dus rje btsun bla ma rdo rje 'chang chen po de nyid la zhal slob sngar dag pa'i zhing du gshegs pa 'jam dbyangs ngag gi dbang phyug rje btsun kun dga' legs pa'i zhabs la sogs pa rgyal ba'i rnam par 'phrul pas 'gro ba'i don mdzad pa kho na yin snyam pa yod cing / da lta'ang dam pa nyid lta bu mkhas pa dang grub pa'i bdag nyid ji snyed cig bzhugs bzhin du bdag lta bu rnam thar rtsom pa sogs