[A:516]drung / /kun tu dang ba'i rtse dga'i yid gcugs kyis/ /rnam grol mchog gi go 'phang ma thob bar/ /gang la gus pa'i ting 'dzin yar ngo'i dpal/ /snying la ri mor bris te 'di skad zhu/ /dpal ldan bla ma a wa dhU tI pa'i/ /rnam thar legs bshad bye ba'i rang bzhin can/ /mthong tshe mgon po nyid dang sras thu bo/ /gnyis min yid la bsam pa'i lhag bsam rnyed/ /sangs rgyas ngo bor gzigs pa'i bden pa'i bka'/ /thog mtha' bar du snyan tshig spel legs kyis/ /smra mkhas 'jam mgon dpa' bo'i sgra dbyangs la/ /tshim par mi 'gyur 'di na blo ldan su/ /zhes tshigs su bcad pa'i 'phreng bar phul nas slar yang phul pa'i snying po bsdu ba rje btsun a wa dhU tI pa chen po 'di nyid la zhal slob gtso bor dpal sa skya pa ngag gi dbang po sogs che dgu ji snyed cig mchis kyang dbyings la ye shes kyi rgyas thebs pa ni rdo rje'i mched po gong ma khyed nyid las gzhan du mi sems pa'i dad gus snying la bcags pa'i cha rgya cher 'phel ba'i skabs nyid du gyur lags zhes bstod sngags bkur gsum gyi zhu lan 'phrod pa'i lan du/ legs bshad kun dga'i dpal ster mkhas pa'i rje/ /rnam grol bdud rtsis myos pa grub pa'i dbang / /rje btsun bla ma'i thugs sras kun gyi mchog /gang de'i zhabs sen padmo bzhad pa'i drung / /dam pa'i ngo mtshar ma la ya rlung gis/ /snying dbus bdud rtsi'i rlabs 'phreng stong g.yo ba'i/ /blo gsal yid bzhin rgya mtsho'i 'jing dbus nas/ /zhu mchid sprin dkar dga' ma 'di spros so/ /kA ye lhag bsam