[A:515] gzhan yang dge ba'i ltas mang po byung / tshar khar 'dod khams lha mo yin zer ba'i bud med bong bu'i rna ba yod pa zhig gis gtso byas mang po byung nas 'di la bka' brgya zhig kyang gyis bstan pa nged rang gis bsrung zer ba byung ngo / /zhes de ltar 'dod khams dbang mos rnam thar gyi mjug tu bka' rgyas thob ces gsol ba la brten nas/ de ka'i mjug tu/ nyi gzhon 'od kyis pad tshal 'byed/ /ku mud me tog zum par byed/ /'o ma skyes bu'i 'tsho ba de/ /brang 'gro'i srog 'phrogs ha la'i bcud/ /de bzhin dam pa'i ngo mtshar gtam/ /skal bzang rna ba'i utpal rgyan/ /skal dman log rtog can dag gi /snying la zug rngu'i bcud len 'gyur/ /de bas gsang chen gtam 'di yang / /dad dang dam tshig ldan pa dang / /dpyod ldan skal bzang gzur gnas la/ /ston gyis skal dman dag la min/ /zhes bka' rgya mdzad cing dpal ldan lha mo dud pa'i sol ba can 'di ni rdo rje 'chang blo gros rgyal mtshan yab sras rnams la dngos su zhal bstan cing gsung gi gnang ba stsol ba'i srung ma'i dbang mo khyad par can du snang / rtogs brjod 'di nyid grub nas rje btsun a wa dhU tI pa chen po'i slob ma'i gtso bo spyod pa'i rdo rje'i rnam 'phrul rje btsun grol mchog la gzigs 'bul gnang ba'i lan du/ blo gsal mkhas pa'i rnam dpyod gsar pa'i mdangs/ /mkhyen yangs rgya mtsho'i lcibs kyi drung phyung ste/ /ngo mtshar dad pa'i spu long cher g.yos pas/ /dam tshig rdo rje'i mched po gang gi