[A:514]dpon lwa ba pa'i dus kyi la ba'i dum bu za mkhan gyi mkha' 'gro'i gtso mo padma'i dra ba can yin/ gzhan gzhon nu zhig la mdzub mo bstad nas 'di seng ge'i dra ba can yin/ gzhan 'di rnams phyogs bcu nas 'dus par 'dug zer de rjes gnyid sad bsams par rje bla ma phag mo gru pa'i rnam sprul yin pa ni nges pa can du 'dug snyam pa byung / de nas zhag 'ga' song ba na nub gsum bstud nas rmi lam du 'dre mnan gyi rnam pa yang yang du 'ong ba zhig byung bas 'di 'dra'i rigs ne gu ba rnams rlung dbu mar 'jug kha ma'i 'od gsal gyi rtags su byed/ mgon po'i rgyud dur khrod nag po nas grib gnon lta bur 'ong ba dang zhes chos skyong gi rtags su'ang bshad/ gang ltar dge sbyong du bsrangs pa drag snyam pa byas pas nub bzhi pa'i rmi lam du sngar gyi bud med de byung nas lag tu snag tsha thod pa gang dang lcags smyug cig gtad byung nas nged rnams kyis gang labs kyang mi go bar 'dug /mi gzhan gyi bla ma'i grwa pas bla ma'i rnam thar 'chos kyi 'dug zer ba'i 'phro la gnyid sad byung bas kha sang nas kyi ltas thams cad 'dir 'dug pas da sang rang nas/ rje'i rnam thar rtsom dgos snyam pa byas nam langs dge sbyor grub nas gnyid zir tsam byung ba'i rmi lam du chos khri zhig gi steng nas bande gzhon nu zhig gis skyes rabs dpag bsam 'khri shing sgrog gin 'dug pa nyan mkhan yin zer bud med gzhon nu mchor mo mang po glu len rkang bro byed kyin 'dug pa rmis/ sang de nas 'go btsugs nas brtsams pas ma grub bar la rje bla ma lan gsum rmis/