[A:509] srung ma 'di ni/ bar chad lam sel ma las/ brag nag ha po'i mgon khang duH sho btsan dmar po dam la btags: zhes pa de yin zhing rje 'di nyid kyi bka' las cung zad tsam yang mi 'da' la/ gzhan du drag shul dang gdug rtsub che bas thub bstan dge 'phel gyi 'og tsam byang ri'i ldebs la rten mkhar yod pa'i mdun der bla chen sde dpon sngags pa rtogs ldan sogs lugs gnyis gang rung gis mngon par mtho rlom rnams kyis rta ma babs na nyin zhag gi khongs su rta 'chi ba yong ba'i grags pas/ sa skya nas bdag chen rin po che phebs skabs kyang de gar gtor bsngo mdzad rjes chibs yob g.yas 'bud/ zhabs 'bring ba rnams rkang 'gros byed/ phyag rdzogs kyi rtogs pa klong du rdol ba'i sgom smyon sprul sku dang / stobs 'byor gyi dregs ldan sde pa nor bu sogs kyi rta na shi mang du byung bar rnam rtog langs gsol mchod phul bas mtshon ches mang la/ tshar lugs la de ring zhugs pa'i gsar bu ba zhig kyang rta 'bab mi dgos pa sogs mngon sum gyi spyod yul du gyur pas so/ /'od gsal gyi ltas ltar sang nyin thub bstan dge 'phel gyi chos grwa chen po nas/ gdan sa mdzad dgos pa'i snyan zhus 'bul mkhan byung bas bstan pa dang sems can gyi don rgya chen por 'gyur bar dgongs te thugs dgyes ba chen pos/ bka' las/ de ltar kho bo la rtse gcig tu gsol ba 'debs pa yin na cis kyang de bzhin du bya'o zhes zhal gyi 'ches pas gsol 'debs pa rnams yid bde