[A:510]ba'i dpal la bkod/ de nas mi ring par kha che 'dus bzang mkhas mchog dbyig gnyen gyi phyogs su byon pa bzhin ngur smrig gos kyis nam mkha'i kha dog 'gyur pa lta bu'i 'dus tshogs kyi ser sbreng 'phan gdugs rgyal mtshan rol cha sogs mchod tshogs bsam gyis mi khyab pa thogs pas mdun bdar chibs bsu'i bkod pa sngon du 'gro bas rgyal ba zhes pa shing pho rta'i lo thub bstan dge 'phel gyi gdan seng ge'i khri la zhabs kyi chu skyes rnam par bkod/ de nas khams pa sangs rgyas rdo rje/ mi nyag mgon po 'od zer/ chos rje brag chos pa/ phu pa dbu mdzad tshul khrims sogs rin po che lta bu'i gdul bya dbang po yang rab kyi skal ldan rnams la gsung ngag rin po che lam 'bras bu dang bcas pa slob ma mchog la bshad bya'i dbang byin rlabs 'khrid lung shin tu smin pa lo 'khor gyi bar du 'dzugs pa lam skor phyi ma brgyad dang / rtsa rgyud brtag pa gnyis par kun tu dgos pa'i gzhung bdun gyis nye bar spras pa'i gsung bshad/ gzhan yang dbang rjes gnang sogs so so'i blo dang 'tsham pa'i chos kyi sgo 'phar phye nas re ba don ldan gyi sa la bkod/ de'i tshe 'od gsal la bdag chen blo gros rgyal mtshan pa yin zer pa'i dge ba'i bshes gnyen khyad du 'phags pa zhig dang rin po che rdo ring pa dngos su byon nas dgyes pa'i 'dzum zhal bstan pa ni rin chen sgang pa sgos kyi zab chos rnams ches cher spel ba la legs so mdzad par 'dug /mgon khang du rdzas 'khor lo gzungs sngags sogs chos skyong gi rten bzheng pa'i man ngag ltar legs par bskrun