[A:508] dbus su zla ba drug tsam gyi ring bstan 'gro'i legs tshogs spel nas gtsang du byon/ chos sgo ba byams pa shes rab bzang po la sngar smos pa'i chos gsan rgyu'i sngon du rmu gshong na bzhugs pa'i mnal lam du mi sngon po zhig na re phu na 'khor lo bde mchog byon yod pas chos zhus zer byung ba'ang rtsad gcod mi gnang ba dge 'phel mkhan chen byams pa shes bzang bde mchog la mkhas zer ba las gzhan khungs ma chod zer bas de gar thugs nges pa rnyed de dge 'phel du phebs bde mchog lo nag dril gsum gyi dbang 'khrid zhal gdams rdzogs par gsan tshe bla ma 'khor lo sdom pa dngos su gzigs pa dpon slob gnyis ka'i che bar mngon/ rang gi bsti gnas su bzhugs pa'i dus thub bstan dge 'phel gyi zhal bdag mdzad dgos par gsol ba 'debs mkhan sang nyin yong ba'i do nub 'od gsal gyi ngang du bzhugs gnas kyi seng g.yabs nas mi dmar rta dmar can zhig babs byung nas gus pa chen pos phyag btsal te thub bstan dge 'phel gyi gdan sa la spyan 'dren par yongs pa yin zer ba la khyed su yin gsungs pas/ bdag sho dmar gyi brag btsan lags/ mkhas grub dam pa khyed phu dgon pa'i gdan sa la cis kyang 'byon dgos bdag gis kyang 'phrin las sgrub pa'i grogs byed/ khyed kyi dgon pa 'di zhal bdag mdzad na 'di phyogs kyi sems can thams cad 'phral dang yun gyi phan bde la 'god nus shing dam pa khyed kyi chos rgyun yang bstan pa ji srid gnas kyi bar du phyogs 'dir gong nas gong du 'phel bar 'gyur ro/ /zhes zhus 'dug cing /