[A:503]dge slong pha'i sdom pa yin la/ de yang bod 'dir sdom rgyun 'ga' zhig yod pa'i nang nas kha che'i paN chen bsod snyoms pa chen po'i sdom rgyun shin tu gtsang ba chos lung tshogs su bzhugs par brten/ gsung las/ bdag gis tshe 'di'i ngo srung rgyab tu bor/ /phyi ma'i don chen 'ba' zhig snying nas bsams/ /yongs rdzogs kha che'i paN chen bsod snyoms pa/ /shAkya shrI'i grar ni 'bad pas zhugs/ /zhes pa ltar dgung lo so gcig pa dga' ba zhes pa chu pho 'brug gi lo sa ga zla ba'i tshes bco lnga thub pa'i dbang pos bdud btul byang chub brnyes shing mya ngan las 'das pa'i dus chen sum 'dzom gyi tshe nyes ltung gi cha phra mo'i 'dam gyis ma gos shing / tshul khrims kyi 'dab brgya yongs su bzhad pa las mya ngan las 'das pa'i ze'u 'bru'i bcud kyis skal bzang ra yig gnyis pa'i dga' ston ches cher spel ba sa'i steng na 'gran pa'i zla thams cad dang bral ba'i don gyi slad du mtshan nas smos te yongs rdzogs bstan pa'i mnga' bdag grags pa rgyal mtshan dpal bzang pos mkhan po/ chos kyi rje bkra shis rnam rgyal gyis las slob/ rje ngag dbang bstan pa'i rgyal mtshan gyis gsang ston/ g.yag sde lcang ra ba blo gros phun tshogs kyis dus bsgo ba/ spos khang pa 'jam dbyangs rgyal mtshan sogs nyi shus las kyi kha bskang ste jo bo stan gcig pa'i bsti gnas nyang stod spos khang gi kun dga' ra bar bsnyen par rdzogs pa'i tshe sngar dge tshul gnang ba'i mtshan gyi steng du mkhan po'i mtshan sgra grags pa rgyal