[A:502] de nas cho 'phrul chen po'i tshes bco lnga nas zla gcig tsam gyi bar sku mtshams bcad de dbang drag padma nye bar bsnyen pa'i tshe rgyal ba kun 'dus padma thod 'phreng rtsal gyis zhal bstan zhing gsung gi gnang ba dang bcas dbugs dbyung / 'phags yul gyi slob dpon padmA ka ra dang bod kyi lo chen bai ro'i thugs kyi nying khu yang gsang khros pa lha dgu'i gsung bsnyen dang de'i yig cha la brten nas myong grol bdud rtsi'i ril bu'i sgrub pa gnang ba'i tshe dkyil 'khor gyi lha tshogs dang gnod sbyin lcam dral rgyud nas bshad pa'i srung ma rnams kyis rang rang gi sku dngos su bstan pa'i tshe ging lnga'i rta rmig kyang nam mkhar mi shong ba lta bu gzigs/ rmur skor tsam phebs pa'i tshe yang gzigs snang de 'dra ba byung ba'i rkyen gyis chibs drag tu bskul nas phebs pas bu ri 'phrang gi mas snar chibs pa'i rmig rjes shin tu gsal ba da lta'ang kun gyi spyod yul du mchis/ de yang cho 'phrul bstan pa'i mdo las/ rgyal srid mchil ma'i thal ba bzhin spangs nas/ /dben par dong ste dgon par gnas byed pa/ /nyon mongs spangs nas bdud ni bcoms nas su/ /byang chub rdul med 'dus ma byas 'tshang rgya/ /zhes srid pa 'khor ba la yid 'byung ba'i rang byung gi bslab pa la brten nas myur du byang chub rnyed par 'gyur pa'i gtso bo ni/ dge slong la rab tu gces pa'i mdo las/ dge slong zhes bya sdug bsngal spong ba yin/ /dge slong zhes bya rgyal ba'i sras po'o/ /zhes 'khor los sgyur ba'i rgyal po la sras stong yod kyang thu bo la rgyal srid 'byung ba bzhin 'khor rnam pa bzhi'i nang nas mchog tu gyur pa