[A:501]pa mthong / slar gzims spyil du phebs/ brag gi phug nas lcags kyi rdo rje rtse dgu pa zhig byung ba thub bstan dge 'phel gyi mgon po'i thugs kar bzhugs/ bka' las/ 'phur ba yin zer ched du theb theb rang dgos dogs med sems cer bltas pas gang dgos sa ru slebs yong ba yin gsungs/ de dus bde stong lhan cig skyes pa'i ye shes mngon du gyur pa'i nyams 'ur chen pos 'khrul snang a 'thas rdzun phugs rdib pa'i kun tu bzang po'i spyod pa grub pa'i sa dang lam gyi rtogs pa mthar phyin pa mdzad pa yin te/ yang gsang brgyud 'debs las/ mang mkhar cha lung rdo rje'i brag rdzong du/ /blo gsal bung ba 'du ba'i padmo'i tshal/ /rgyud sde rgya mtsho'i bcud phyung gdams pa'i gter/ /drin can tshar pa smyon par gsol ba 'debs/ /zhes byung la/ gnas 'di dang thub bstan dge 'phel gnyis su chos nyid skye ba med pa'i don mngon du mdzad pa'i tshul bstan pa yin te/ ji skad du/ gzhi 'khrul snang gi rang zhal bltas tsa na/ /brjod med kyi dbyings su rjen ne ba/ /gser gling du bol dum ngas ma rnyed/ /ma sems can tsho mgo bo gang nas 'khor/ /zhes dang / lam bskyed rdzogs gnad du bsnun tsa na/ /spyir snang 'di nyams kyi ban ma bun/ /snang grag rig gsum 'di rgyal ba'i ngang / /khong rnal 'byor tsho blang dor ga la byed/ /lam sgom pa'i 'bras bu sgra bo che/ /gzhi mngon du gyur pa'i skad du gda'/ /'di rang bcas su yod pa rang ngo shes/ /da 'bras bu bya ba gzhan ma mchis/ /zhes gsungs/