[A:500]nyid bzang po bzang po zhes pa'i ming tsam gyi stong 'ur mkhan rnams dang mi 'dra bar slu med gtan gyi skyabs mchog tu lung dang rigs pas bsgrub nus pas dran pa'i mod la srid zhi'i gdung ba mtha' dag sel bar snang / bcom ldan 'das dgyes mdzad rdo rje dang ma he'i zhal can sogs yi dam gyi lha mang po nang rang byung lus kyi pho brang du rlung sems dag pa'i gar mkhan me long las gzugs brnyan ltar phyi rol tu shar te zhal gzigs/ gur zhal/ beg tse/ stag zhon sogs dam can srung ma rnams rgyal gyis 'bangs la bsgo ba bzhin ji ltar bzhed pa'i 'phrin las bsgrub pa la mi g.yel lo/ /ring por ma lon par mang mkhar du byon te sa skya'i mi 'gyur ba'i gzer bzhi zhes pa shar du bya 'gyur rdo rje'i brag /lhor phul byung bdud po brag /nub tu cha lung rdo rje brag /byang du ga ra g.ya' yi brag ste bzhi'i nang nas cha lung rdo rje brag rdzong gi rje btsun grags pa rgyal mtshan gyi gzims spyil shing sgo ma zer ba'i phug par sgrub pa mdzad kyin bzhugs pa'i re zhig na nye ba'i sri zhu ba des snga dro drung du phyin pas gzims zhwa sbubs thibs se byas sku dngos ni mi snang / ci yin sgo bca' sogs ni mdang nub kyi de ga 'dug skar khung ni shin tu chung gang yin snyam nas slar log ste sgo'i phyi nas bltas pas lho'i mchod rten gyi drung na chos gos rnam gsum dang bcas sku zil pa phrom me 'od mer re bzhugs 'dug pa na bdag cag gi bla ma dam pa ni gang la'ang thogs pa med par 'phur te byon to snyam dad pa zi bun pa'i ngang nas sku drung du phyin pa lta stangs kyi ngang na had de bzhugs