[A:499]gsol ba 'debs so rdor ring pa/ /bu mi mngon dbyings nas thugs rjes skyongs/ /tshogs mchod par 'bul lo drin can rje / /lus snang stong sprul skur byin gyis rlobs/ /zhes sogs tshig don ngo mtshar ba yod/ chu bo ri'i dur khrod du tshogs 'khor mdzad nas bzhugs pa'i mtho phyir shab shub kyi sgra dang bcas skor ba byed pa'i skad thams cad kyis thos par byung / dur khrod de'i gong tsam du thugs dam la cung zad bzhugs pa'i gnas der zhabs 'bring ba rnams kyis mngon sum du rlung 'tshub chen po'i dkyil nas thag sgra chen po yang yang byung skabs/ dpal ldan lha mo dud pa'i sol ba can sku stod ja bsus pa'i rlangs pa lta bu sngo skya nam mkha' khengs pa gsal bar gzigs shing shog dril zhig phyag tu phul/ de nas bzung dus rgyun du bde chen gyi nyams bzung du med pa rdol/ de la brten dus lan cig ma yin par bde stong lhan cig skyes pa'i ye shes khor yug tu g.yo ba med pa'i rgyu mtshan/ thugs dam gyi rim pa stod phyogs su 'phel bar dgongs te rmu bla brang du bzhugs pa'i skabs shig zhabs cung zad bsnyun pa'i tshul bstan tshe 'khrul zhig dkon cog bzang por zhu shog phul ba'i nang du bdag kyang lus bsam gtan gyi khang bu'i sgor mi thon kyang sems la bde chen gyi ye shes mnan pas mi non pa khor yug tu yod ces pa'ang byung / de yang rje btsun chen pos/ lta ba spros bral du blo cham 'gro na 'da' kha ma mi thebs pa mi srid tshe 'di dang mthong lam gyi bar na dar tsam las med/ ces pa'i tshad der phebs nges pas dam pa 'di