[A:258]dang / mchod 'bul la sogs pa'i sgo nas 'khor ba mtha' can du 'gyur ba'i thabs la mkhas pas sems can mang po'i don mdzad de mthar dgung lo dgu bcu tsam bzhes pa na/ lo brgya lhag tsam sdod bsam pa yin na'ang gdan sa chen po'i dmag 'khrug byed pa sogs mi 'os pa du ma mthong bar 'dug pas 'gro ba yin gsung / skye 'chi la rang dbang thob pas sku la snyun mi mnga' bzhin du ngo mtshar ba'i ltas du ma dang bcas te zhi bar gshegs pa'i tshul bstan to/ /de'i gcung po ni grub pa'i dbang phyug kun dga' rgya mtsho ste 'dis kyang gzhon nu la rab tu byung / rnal 'byor gyi dbang phyug sangs rgyas rin chen ldan dang / nyi ldeb ngag dbang grags pa sogs bsten nas dam pa'i chos kyis rgyud phyug par mdzad/ khyad par gsung ngag rin po che lam 'bras bu dang bcas pa dang / sbyor ba yan lag drug pa/ u rgyan bsnyen sgrub rnams la thos bsam gyis sgro 'dogs bcad cing nan tan gyis nyams su blangs pas nyams dang rtogs pa'i yon tan bsam gyis mi khyab pa la mnga' brnyes 'od gsal khor yug tu shar bas dpa' lung gi gzims khang mun pa nag ge ba zhig tu lung gnang ba na gzhan rnams kyis mi ngo yang mi shes pa'i tshe/ rje 'dis phyag dpe sngar bzhin du bklags pas drung na yod pa rnams kyis sa ni sros gda'/ da dung phyag dpe gzigs kyi yod lags sam zhus pas/ sa sros gda' 'am 'o na sdud dgos gsung ba sogs nyin mtshan khyad med pa'i snang ba mnga'/ gzhan yang skabs shig sgo rum mgon khang du gtor ma 'bul ba mdzad de phyir phebs pa na mi nag po dung long skya khram me ba zhig gis ma da