[A:259]na slu gu gang gtad 'di 'thung zer ba la the tshom med par bzhes pa na/ snod ster mi dang bcas pa 'jal yal ba ltar song bas chos skyong gis dngos grub gnang bar 'dug gsung ba dang / skabs shig tu gdan sa chen po nas dpa' lung la 'phyi mo zhig la chibs pa gcig dang bcas byon pa'i tshe/ ma rungs pa 'ga' zhig gis zhabs 'dren bsgrub par brtsams te lam du sgugs pas/ rje 'di'i chibs sna mi nag po dung long can gnyis kyis khrid chibs kyi rna ba gnyis la me chen po re 'bar bzhin pa dang bcas byon byung ba na/ ngan sems can de dag 'jigs shing skrag nas 'gyel zhing lag cha shor te rang gi dbugs kyang 'don mi nus par gyur te/ zhabs la btud de nyes pa bshags pa sogs nag po chen po bran du 'khol ba'i lo rgyus kyang mang du mnga'/ mthar ngo mtshar ba'i ltas du ma dang bcas te gshegs pa'i tshe yang 'chi ba 'od gsal mngon du mdzad de zhag zhe dgu ting nge 'dzin la bzhugs shing / de las bzhengs ma thag zung 'jug gi sku brnyes pa'i rtags kyang tshul bzhin du byung ba yin no/ /de'i gcung po dbon rin po che blo gros rgya mtsho zhes bya ba thugs gsal zhing phan sems che ba dang gcen mched gnyis dang / bdag chen rdo rje 'chang chen po la sogs pa'i dam pa du ma las zab mo'i lam gyi bdud rtsi thob pa/ dpal ldan sa skya pa'i chag med rnam pa bzhi la sogs pa'i rgyud sde zab mo'i nyams len la brtson pas 'da' ba'i tshe yang rdo rje rnal 'byor ma'i 'pho ba zab mo mdzad de/ dbu gtsug mngon par 'phags pa sogs ngo mtshar ba'i ltas dang bcas pa 'di ni bdag nyid chen po 'di'i yab yin la/ yum ni ti gugshrI yon