[A:341]nams kyi bgo skal ni de tsam dubs pa dang / rang nyid dben par dgyes pa'i dbang gis/ nyid kyi dgung lo lnga bcu rtsa gcig bzhes pa me mo phag gi lo la bo dong e chos sde'i bde ba can gyi slob dpon nam mkha' bzang po pa rgyal tshab tu 'god par bzhed nas jo nang du gdan drangs/ dgyes shing rings par byon pa la ri khrod chen po dgon lag so so dang bcas pa'i bla brang gi stod rdzas/ chos gzhis rnams bem bzhag gi lugs la 'phar kha yod pa kho na dang bcas pa dang / ldan grol gyi yon tan phun sum tshogs pa dang ldan pa'i grwa pa rab tu mang po dang bcas pa rnams gtad de/ dgon pa 'dzin tshul/ grwa bu slob kyi skyong dar/ khyad par nges don gyi bstan pa la bya ba lhag par khur du bzhes dgos pa'i bka' bkod mthil phyin pa mdzad/ byi ba lo'i dus khrid ni/ mkhan po gdan sa pas gtso byas pa'i dad 'dus kyi gdul bya brgya phrag mang po la rje nyid kyis shin tu rgyas par gsungs/ khyad par mkhan po ba la lam zab mo 'di'i spyi'i babs/ dka' ba'i gnas/ phyag len phra mo tshun chod mtha' chod par gsungs/ rgyud 'grel chen po rdzogs par gsungs pa'i mthar rdo rje slob dpon bdag po dang bdag po chen po'i dbang rdzogs par bskur te nges don gyi grub mtha' ris med pa'i gdul bya mang po la ston pa'i rdo rje slob dpon du mnga' gsol nas/ byi lo sa ga nya ba'i tshes bcu bzhi la zhabs stegs kyi seng ge'i khri la bkod de/ gdan sa pas kyang lo bcu drug gi bar gdan sa bskyangs te/ zab lam dus khrid ma chag par gsungs pa'i sgo