[A:340]gyi dbang phyug birWa pa nyi ma gte 'dzin gyi sku rdo dreg smug po las grub pa lta bu mi tsam zhig rang byon du gsal bar byon pa/ bdag spun la sogs pas dus phyis jo nang mjal du phyin pa'i tshe yang gsal bar bzhugs kyi 'dug pa mthong ba'i skal ba can du gyur cing / rje bla ma zhi bar gshegs pa'i rjes nyid la nam mkha' la 'ja' yal ba bzhin gyur 'dug ces thos te/ rnyog bral mkha' la rgyu ba'i zla ba'i gzugs/ /dngas pa'i chu mtshor 'char ba chos nyid yin/ /de bzhin rnal 'byor dbang phyug bla ma 'di'i/ /sku yi snang brnyan brag der shar ram snyam/ /dus khrid dang ston dpyid la sogs pa gzhir gnas dang / phyogs kyi dad pa can rnams la zab lam gtso bor gsungs pas/ jo nang bde chen dang bsgrags par zab lam gyi khrid tshar sum cu rtsa drug song zhes gsung la/ rgyud 'grel chen mo sems 'grel phyi ma gnyis dang bcas pa'i lung tshar bcu lhag pa sogs lung gi tshogs ji snyed pa dang / dbang bskur ba dang / rjes su gnang ba/ dmar khrid dang / zhen pa bzhi bral la sogs pa'i khrid chung mang po dang / dge bsnyen dang / dge tshul dang / dge slong rnams kyi sdom pa 'bogs pa dang / byang chub tu sems bskyed pa la sogs pa gdul bya so so'i skal ba dang 'tsham pa'i bshad sgrub kyi chos kyi 'khor lo mtha' yas pa zhig bskor te/ sems can bgrang ba las 'das pa smin grol mchog la bkod cing / bde bar gshegs pa'i bstan pa rin po che nyin mo ltar phyogs thams cad du gsal bar mdzad nas/ re zhig phyogs de'i gdul bya rnams kyi bsod