[A:335]pa'i dri bsung gis yid drangs nas/ phyogs thams cad nas 'dus pa'i don gnyer gyi tshogs/ skyes thob kyi blo gros gsal ba/ tshul khrims kyi rgyud dag pa/ sde snod kyi tshig don la mkhas pa/ rgyud sde'i gnad go ba bsgom pa'i nyams myong gis phyug pa du ma dang / gzhan yang chos kyi rigs sad cing / dad gus kyi rgyud brlan pa'i rab tu byung ba dang / skyes pa dang / bud med dang / gzhon nu la sogs pa skye bo brgya phrag mang po la lo re bzhin/ rgyud sde thams cad don kyi bcud phyung ba'i gsang chen bla na med pa nye lam/ dpal rnal 'byor yan lag drug pa'i khrid/ smin byed kyi dbang byis pa 'jug pa dang / 'jig rten dang 'jig rten las 'das pa'i dbang gong ma sngon du 'gro ba can gyi myong khrid/ sla chos dang / mgyogs bshad dang / lung khrid tsam ma yin par nyams len brdar sha chod nges shes pa kho na gsungs te/ nges don gyi nyams dang ting nge 'dzin bzang po ma skyes pa rnams ni bskyed par mdzad/ skyes pa rnams ni bogs thon zhing gong 'phel du mdzad/ gegs thams cad ming med du bsal zhing yon tan yar 'phel du 'gyur bar mdzad de/ de'ang bdag gi bla ma nges par grub pa mchog gi 'khor lo sgyur ba 'di'i byin rlabs kyi zil blo'i rwa ba las 'das pas/ dbang bskur gyi ye shes 'bebs pa dang / sems dpa' bskul ba sogs kyi tshe/ tshogs pa thams cad la rgyud sde las gsungs pa'i lus ngag yid gsum gyi nyams bzang po 'ur langs pa kho na 'byung bas kha cig ni thog so mang po la yar mar du bya ltar du lding / la la ni saM skr-i ta'i