[A:336]skad du smra ba dang / dge ba mi dge ba lung ston pa dag kyang byed/ 'ga' zhig ni rtog med kyi ngang du 'byams pas ri bo lta bur g.yo med du gnas pa 'byung ste gang zag kha cig la dbang dus nyid du rtogs pa 'khrungs pa'ang byung zhing / bdag lta bu'i tha shal shes rgyud rwa shing ltar gyong shing / dad gus kyi brlan dang bral ba rnams la'ang / lus ngag yid gsum gyi thog tu sngar dang ye mi 'dra ba'i 'gyur ba cung zad re mi 'byung ba mi srid pa yin/ mdor na zhal gyi dkyil 'khor mthong ba dang gsung thos pa tsam gyis kyang nyams bzang po skyes pa du ma 'byung na/ zab lam thob nas nyams su blangs pa rnams la nyams rtogs bzang po lta smos kyang ci 'tshal/ ngo sprod kyi tshe yang phyogs mtha' dag nas 'dus pa'i skye bo'i tshogs bsam gyis mi khyab pa 'dus pa'i khrod du thun mong gi ngo sprod rnams gsung ba dang / zhal gyi dkyil 'khor zla ba ltar dwangs la zil chags pa de mthong ba dang / snyan cing 'jebs la yid du 'ong ba'i gsung dbyangs snyan pos dal 'byor rnyed par dka' ba sogs gsung ba thos pa tsam gyis skye bo thams cad dad gus kyi yus brnangs byin rlabs kyi zings langs pas/ mi dge ba dang lung ma bstan gyi bsam sbyor thams cad ni rgyang ring du bskrad pa bzhin/ nges 'byung dang skyo shas kyi gdung ba drag pos ni 'khyud/ mi 'dzum par had de lta ba'i mig ni mchi ma'i char gyis mngon par 'khrigs/ lus kyi ba spu thams cad ni zing zing por langs/ lus sems tshugs mi thub pa'i ngang nas gsung gi bdud rtsi de dag myong bar byed la/ de'i mthus skal ba bzang po rnams ni yul gzhis dang