[A:334]ba'i rgyal por/ bla ma dang rgyal ba sras dang bcas pas dbang bskur zhing mnga' gsol/ lha mi thams cad kyis bstod cing phyag bgyi ba'i gnas su gyur to/ /bod yul grub rigs bye ba'i cod pan du/ /du mas bsngags pa'i kun spangs chos kyi rje/ /rje btsun mchog de'i zhabs stegs seng ge'i gdan/ /gdan der bstan pa'i bdag por dbang bskur thob/ /dad ldan lha mi du mas mdun nas bsus/ /brtse ldan bla mas dbyings nas shis pa brjod/ /mthu ldan srung mas bdud dpung tshar bcad de/ /skal ldan skye bo'i dpal du de ring bskos/ /de'i tshe nges don gyi rnal 'byor ma bzang po zhig gis gsal snang du 'jam dbyangs dkon mchog bzang po phebs kyi yod zer ba zhig byung ba la brten nas/ bdag gi bla ma 'di nyid 'jam dbyangs dkon mchog bzang po'i sku skye yin no zhes kyang grags la/ lo dus sogs ni 'grig par yang snang ngo / /de nas tshes bcu drug nyin rgyal phur 'dzom pa'i gza' skar bzang po dang ldan pa la zab lam rdo rje'i rnal 'byor sbyor ba yan lag drug pa'i dus 'khrid kyang tshugs par mdzad/ de nas bzung ste lo bcu gnyis kyi bar du ri khrod chen po de nyid kyi gdan sa la zhugs shing / dgon pa bde chen dang sangs rgyas gling la sogs pa'i dgon lag rnams kyang bdag gir mdzad de/ ri khrod chen por tshe 'di'i bya ba rmi lam gyi yo lang lta bur snying pos stong pa thams cad blos bor nas/ don chen po bla na med pa'i byang chub bsgrub pa la nan tan snying por byed pa'i sgrub chen pho mo gzhir gnas rnams dang / bdag cag gi bla ma 'gro ba thams cad kyi ma 'dris pa'i mdza' bshes 'di'i snyan