[A:333]rnams chag med bzhi la sogs pa'i nyams len la bkod/ bla brang ka ba brgyad tsam gyis spe'u mthon po zhig 'dug pa stong gog tu song ba la thog 'bigs dang / zhal ba sogs zhig gsos mthar phyin par mdzad de/ mdor na chos dang zang zing gi sgo nas phyogs de'i bde skyid rgya cher spel la/ ljongs der 'khod pa'i skye bo thams cad kyang mi phyed pa'i dad pa thob pa sha stag byung ngo / /de'i skabs shig dgon pa nor bu sgang pas kyang spyan drangs te lo kha cig zhal bdag mdzad/ der yang dgon yar mar gyi dge 'dun rnams la gsung ngag rin po che tshar gcig gsungs te yul phyogs de dag tu bstan pa rin po che gsal bar mdzad pa'i ngang nas gdan sa chen po dang / dpa' lung dgon par yang lugs gnyis nas phan bde spel bar mdzad/ skabs shig bo dong er byang chub sems dpa' chen po dpal ldan rin chen gyi gdan sar spyan 'dren pa nan che bar byung yang zhal gyis ma bzhes/ nyid kyi dgung lo bzhi bcu bzhes pa'i tshe/ ri khrod jo nang gi gdan sa la gdan 'dren pa byung ba na/ rje btsun nam mkha'i mtshan can gyi dam tshig la dgongs nas byon te/ kun mkhyen dus gsum sangs rgyas dol po ba chen pos/ lcags pho rta'i lo la mchod rten dpal yon can btab nas lo brgya dang brgyad cu rtsa drug 'das pa me pho byi ba'i lo zla ba bcu gnyis pa'i tshes bcu bzhi la/ bod yul grub rigs bye ba'i gtsug rgyan nges don bstan pa'i bdag po kun spangs kun tu bzang po'i zhabs stegs kyi seng ge'i khri la bzhugs su gsol nas/ nges don bla na med pa'i chos kyi 'khor lo sgyur