[A:331] der yang 'jog ma nus par gtsang pa ring mo zhes pa'i pho nya zhig la sil snyan bskur nas rab tu skor dpon rang gi phyag tu 'phrod dam/ de min na'ang sa skya pa rang gi dgon pa yin pas gser mdog can du skyol shog ces mngags te btang ba na/ pho nya ba de la khyod kyi sil snyan cho 'phrul can de khyer yod pa 'dug de skad snyon yod zer/ lam gyi zla bo dang gnas tshang mi rnyed pa byung / rim gyis gser mdog can du sleb/ paN chen rin po che shAka mchog pa'i phyag tu phul nas gdan sa chen por skyel bar zhus pa bzhin/ paN chen rin po ches kyang sa skya pas grub rtags bstan pa'i sil snyan sgra bo che de 'dir slebs byung bas lan mi gnang ba zhu gsung pa'i bka' shog rje btsun nyid la gnang ba phyag tu 'byor te/ mchod dpon dge 'dun dang / bkras rgyan rna bo che bya ba'i nye gnas gnyis len du btang bas skyon med du phyag tu byung zhing / skor dpon chos kyi rje sgo rum pa des snga phyir grub rtags mang po zhig bstan par 'dug /ces grags pa'i rnga bo ches dbus gtsang thams cad du khyab par gyur la/ sil snyan de ni phyis su sku nye kha gcig gi mgrin pa'i lam du song zhes thos te mdor na 'khrug long la sogs pa de dag kyang stabs nyes pa lta bus byung ba ma yin gyi/ sne'u rdzong pa sogs phyogs de'i che rgu phal che ba mi dge ba'i bshes gnyen gyis zin pas bstan pa'i bdag po rje btsun sa skya pa'i bstan pa bstan 'dzin dang bcas pa la khyad gsod dang brnyas pa 'ba' zhig lhur len pas ngan 'gro'i lam du rings par chas pa de dag thams cad 'di lta bus lam ngan pa las cung zad bzlog par gzigs te bsams bzhin du mdzad par