[A:330]gces pa'i bu/ /bu gcig po de gshin rje'i grong du song / /de nas skor chen pa rnams kyis sgar bteg nas phyir byon/ rkun po de'ang 'gyod cing skrag pas sil snyan nang du bcang ma nus par zhing tshigs su sbas pas/ sil snyan gang khyer sar ser ba'i lam drangs te/ ched du ngom pa bzhin gang sbas pa de nyid du ser ba drag po kho na babs pas/ der yang 'jog ma nus par yul de'i nye 'khor gyi sngags pa zhig la rin zho do byas nas btsongs/ sngags pa de la'ang cho 'phrul glo bur ba du ma zhig byung bas 'chang ma nus par rkun po kho rang bos te/ khyod kyi sil snyan 'di cho 'phrul che ba zhig 'dug pas ji ltar yin dris pa na/ de na re sa skya sgor dpon gyi phyag rdzas yin te/ skor chen ni phyir thegs grub/ da ci yang skyon med zer ba la/ sngags pa des thos pa tsam gyis snying 'dar bzhin du/ chos skyong bran du 'khol ba de'i phyag rdzas ma gnang bar su zhig gis 'chang bar nus/ rang gzhan thams cad phung bar gyur ta re/ da ngas sngar sprad pa'i rin des brngan pa gyis la sil snyan skor dpon rang la phul na legs/ mi 'bul kyang rung nga ni 'di lta bu gnyer mi nus so zhes sngags pa des sil snyan rkun po kho rang la sprad/ de'i tshe skor dpon gyi sil snyan rkun pos khyer ba chos skyong gi cho 'phrul gyis ma dkrol bar skad 'don pa dang / gang khyer sar ser ba 'bab kyi 'dug /zhes da dir du grags nas sne'u rdzong pas rkun po de srog dang phral nas sil snyan lha sa'i gtsug lag khang du phul ba na/ der yang 'phar ba dang skad 'byin pa sogs byung bas/ de nas sa skya skor dpon pa'i sil snyan sgra bo che yod zer/ skor ba byed pa rnams kyang de'i thad la lam zur nas 'gro zhing mig lta mi nus pa byung bas/