[A:328]sprin gyi tshogs bsdus nas/ /klad 'gems 'brug sgras dgra bo'i klad pa skams/ /rgyal bas sprul ba'i rab 'jigs rdo rje'i char/ /bzlog pa mi nus khyod las bden pa su/ /'on kyang mgon skyabs gzhan nas mi 'tshol ba/ /khyod nyid blo ldan zhig tu bdag gis rtogs/ /nang du khros pa'i rnam 'gyur zhi ma thag /phyi rol 'jigs bcas chu 'dzin dbyings su yal/ /'di ko sprul pa'i mdzad pa ma lags pa/ /gzhan du shes ldan su zhig the tshom za/ /de'i phyi nyin dkon gnyer dbon bos te jo bo rin po che'i zhal gser la sogs pa lag tu sprad/ gdan sa chen po'i skor chen la phyogs gang du yang bkur sti zhabs tog ma gtogs byed sa med pa'i sde dpon so so'i bca' hu sogs 'di bzhin yin na'ang / da lam 'dir brnyas pa che ba zhig byas byung bas/ skor chen de ring nyid log 'gro ba yin gsung / 'jigs pa'ang 'jigs par byed pa'i gsung cung zad stsal ba na dkon gnyer dpon de dang / sne'u rdzong pa sogs phyogs de'i dregs pa can thams cad kyi snying lkog mar bos te/ shin tu skrag pas drung du gser dngul/ gos phyi nang dre'u gzhan gsum tsam gyi khal 'khyer bar nus pa'i dga' ldan khang gsar ba'i drel smyon du grags pa sogs dngos po gya nom pa'i 'bul ba dang / skor las pa rnams la'ang so sor 'bul ba bzang po dang bcas pa'i bshags pa phul ba ltar thugs brtse bas bzod par gnang ste der bzhugs/ jo bo rnam gnyis la zhal gser dkar me stobs che ba/ khyams chen po la mthong ras sogs rim pas phul/ gtsug lag khang gi khyams chen por skye bo'i tshogs bsam gyis mi