[A:316]bzlog phur pa zhig gnang ba nye gnas zhig gis khyer nas btsugs ma thag shugs drag cing rba rlabs g.yo ba'i chu klung smyon pa bzhin du brgyug cing mchong ba de/ skad cig la sngar chu mi 'bab pa'i bud sgang mthon po zhig gi sa phyogs la yud kyis 'gyur te/ chu bzlog gi phur bu bzhugs sa de las mda' rgyang tsam gyi sa mtho nas bskor te 'bab pa thams cad kyis mthong ba 'di yin mod/ dpal ldan chos skyong khros pa'i sdigs mdzub kyis/ /ganggA lan gnyis bzlog mod sngar bzhin babs/ /khyod kyi phrin gyis bzlog par byas pa'i rgyun/ /da dung sngar gyi shul du 'bab ma nus/ /shugs drag thur du 'bab pa'i thig le'i rgyun/ /gzhom med rigs bdag rtse mor 'ching nus na/ /phyi rol 'bab chu bzlog la ngo mtshar ci/ /'on kyang byis pa mgu ba'i thabs su zad/ /nyid kyi dgung lo sum cu rtsa brgyad bzhes pa'i tshe bdag chen thams cad mkhyen pas dgung lo sum cu bzhes pa de nyid dpal sa skyar spyan drangs shing gsung ngag rin po che gnang bar gsol ba 'debs pa po mdzad de zhu ba po bzhi brgya tsam dang / rgyu dbang la drug brgya tsam 'dus pa la dbang mdzad pa'i tshe gegs kyi rnam pas bdag chen nyid sku khams bsnyel te dbang cha kha cig la dbang rdzas 'grim pa yang las kyi rdo rjes byas gsung chos 'chag pa nye ba na bdag gi bla ma bdud kyi dpung 'joms pa la gcig tu dpa' ba 'dis sku rim la dmigs pa'i nag po chen po'i gtor chen zhig gzims khang dmar por mdzad pa'i tshe/ thugs dam tshugs pa tsam gyis zil che zhing 'jigs pas bzhi thog gi drung 'khor gnyug mar gnas pa thams cad zla grogs med par gzims khang gi phu mda' la rgyu 'grul byed mi nus pa dang / rang gar 'dug pa na'ang glo bur du skyi bung zhes byed nas gcig la gcig 'chang