[A:315]gus kyi rgyun ma nyams par gnas pa 'di yin la/ sgom tshor chab zhugs la byon pa'i dus shig chab nang du zhugs tsam la rlung 'tshub chen po zhig byung ba la phyag yug mdzad de phar song gsungs ma thag sgang gshongs sa phyogs la song nas der bzhugs ring bser bu tsam ma byung ste/ so sor sdud la snyoms zhugs nas/ /sngags rnams kun gyis byin gyis brlab/ /zhes gsungs pa don la gnas pa yin no/ /sngon dus dam pa rgya gar zhes bya dang / /da dus dam pa rdo rje 'chang dbang khyod/ /bden tshig dam pa grub pa mtshungs lags mod/ /ngur smrig dam pa 'di yi khyad par bya/ /bzlas brjod kyi nus pa'ang bsam gyis mi khyab ste/ dgung lo so gcig bzhes pa'i dbyar dpal sgo rum bla brang du sku mtshams mdzad de bha ya na'i bsnyen pa zhag bdun pa zhig mdzad pas zhag lnga pa'i nub glo bur du char chu drag po bsam gyis mi khyab pa byung bas gar chu shin tu rgyas nas zhing mang po'ang ma rungs par byas/ dgon pa'i gyang zhig 'gyel ba'i 'og nas rje nyid kyi na bza' gos bem rnying pa'i dum bu dang bcas pa'i mnan gtad drag po zhig kyang thon byung ba la/ gsung las/ de dus kyi shwa 'od de bha ya na'i nus pas mnan gtad tshos ma tshugs par 'thon 'gro ba'i cho 'phrul yin pa 'dug gsung ba dang / de'i tshe yul pa'i zhing mang po dang bla brang pa'i zhing mang po la gnod pa byung nas sgo rum na bzhugs pa'i kha che paN chen gyi sku rje sa skya paNDi ta'i phyag bzo ma sogs byin rlabs rten mang po zhal ston pa dang / nus pa dang ldan pa dang / nus pa yod par rlom pa mang po'i thabs sna tshogs byas kyang ci yang phan pa ma byung ba la/ rje nyid kyi zhal bzhi pa'i shwa