[A:307]cig mdzad par zhal gyis bzhes te/ bdag chen rdo rje 'chang chen po'i drung du byon nas ji ltar byung ba'i tshul rgyas par zhus pas mtshams byas pa shin tu legs/ thugs dam gang la byed gsung ba la tshe bsnyen gcig byed pa'i lugs yin zhes zhus pas/ lha gcig gis dngos grub thams cad 'grub pa yin/ da lam dpal kye rdo rje'i gzhi bsnyen byas pa legs pas byed lugs kyang 'di bzhin gyis gsungs nas phyag len zhal bkod zhib pa zhig gnang / de nas dpal ldan sa skya'i gzims khang 'og min du sku mtshams shin tu dam par bsdams/ kye rdo rje'i bsnyen pa mdzad pas/ zla ba drug pa'i tshes bco lnga la lung bstan dang mthun par srog rlung stod 'tshangs kyi rnam pa'i sku khams shin tu dub pa zhabs mi brtan pa la nye ba zhig byung ba na bdag gi bla ma dam pa 'di ni gang yang nyams kyi snang bar mkhyen pas thugs dam zab mo'i ngang du bsal bas je bder gyur mod/ rje btsun yab la sogs pa ci bya brtol med lta bur gyur nas chos rje zur khang pa dpal ldan rin chen spyan drangs nas byin rlabs gegs sel zhus/ gdan sa chen por dge 'dun ser gsog 'gyed bzang po'i sku rim kyang bsgrubs pas legs par dwangs/ de nas bzung ste zla ba drug gi bar du zla dus kyi tshes bco lnga la sku khams shin tu ltem pa re byung na'ang thugs dam kho na'i ngang du bsal bas gegs sel zhing dgung lo bcu dgu las mi bzhugs pa'i ltas de ltar bzlog ste dgu lo bzhi bcu rtsa bzhi'i bar sku tshe bsrings te/ bdag chen rdo rje 'chang chen pos lung bstan pa bzhin dpal kye rdo rje la bsten nas sku tshe'i dngos grub thob pa yin no/ /khyod kyi bdud bzhi mtha' dag bcoms zin mod/ /